MULLERES NO CINE

 Olaaaa!!!

O alumnado de 2º de Primaria investigou sobre o traballo das mulleres no cine. Fixeron un "documental" sobre 19 mulleres que foron importantes na industria do cine por diferentes motivos. 

Aquí tedes o resultado.

 

21 DE MARZO

 Como idesss????

Onte, 21 de marzo, conmemoramos o Día da Poesía. Tivemos uns días traballando cos libros de poesía da Biblioflora. Recollimos un montón de poemas de diferentes autor@s, copiámolas en folios de cores, enrollámolas cun laciño ou unha corda e repartímolas polos establecementos comerciais de Xove para que se repartiran coa compra do día 21. Ademais, elaboramos uns carteis para anunciar a actividade.

O alumnado ´de 2º de Primaria saíu ese día pola vila para ler poesía.

DÍA DA MULLER

Outra vez por aquíííí....!!

O pasado venres, para conmemorar o 8M, coa colaboración da Delegación de Servizos Sociais, Sanidade, Muller e Políticas de Igualdade do Concello de Xove, tivemos no pavillón municipal unha actividade conxunta a Escola de Educación Infantil, o noso cole, o IES Illa de Sarón e o Centro da terceira idade do noso concello.

Entre tod@s "construímos" unha árbore na que estaban os pensamentos e desexos de tod@s @s participantes, ademais de ler algúns deles. O alumnado de Secundaria fixo lectura dun manifesto. Por último, soltáronse globos de cor violeta dentro do pavillón.

Aquí tedes algunha foto.

8 DE MARZO

 Olaaaaa!!!

O próximo venres, día 8 de marzo, é o Día Internacional da muller. Unha data moi importante para tod@s para entender a loita de todas as mulleres que viviron antes ca nós. Debemos coñecer a nosa historia, para formar un sentido crítico, que nos permita entender o que ocorría antes e valorar todos os logros conseguidos e seguir traballando ata conseguir a igualdade.

Para axudar a entender o por que deste día, aquí tedes uns vídeos. 

 

Aquí tedes tamén unha canción das Fillas de Cassandra, LISÍSTRATA (varre vasoira).

Tedes tamén libros na Biblioflora.

  

Boas lecturas!!!!

 

 

DÍA DE ROSALÍA

 Que tal estades??

                    O Día 23 foi o Día de Rosalía e nós quixemos celebralo seguindo a proposta da AELG. Clicade no cartel para coñecer o manifesto desta asociación, redactado por Carlos Callón.

                          

                                                     

  O lema para desenvolver as actividades foi  #oamordapatriagalega

Así quedaron os nosos traballos. 

Ademais, o alumnado de 2º de Primaria recitounos a biografía de Rosalía de Castro, tal e como aparece no libro da editorial Cumio, que temos en Biblioflora.

Dúas alumnas de 4º de Primaria recitaron  "Quíxente tanto meniña..."

 

 

E o alumnado de 6º de Primaria cantounos a canción de "Rosalía pequeniña" .

 

 

 

Foi un día moi bonito!!

UN ENTROIDO DE CINE

 Como ides???

Tivemos un Entroido de cine!! Cada curso ou ciclo foi disfrazado representando unha película. Aquí tedes!!

O alumnado de 3º e 4º de Primaria, que foron da película Wonka

O alumnado de Infantil foi da película Os Minions

 

 

 

O alumnado de 1º de Primaria foi de Os Dálmatas

 

 

O alumnado de 5º de Primaria foi de A familia Adams

 

 O alumnado de 2º de Primaria foi de O Mago de Oz

Que ben o pasamos!!! Saímos por Xove, a facer un recorrido. E menos mal que a chuvia aguantou !!