30 de maio de 2022

ÚLTIMA VIAXE

 Olaaa!!!

Xa vai rematando o curso e as mochilas viaxeiras tamén rematan a súa viaxe. Aquí tedes @s  compañeir@s que a tiveron na casa estes días. Espero que desfrutaran moito das súas lecturas.





20 de maio de 2022

LENDO O MAR

 OLAAAA!!!

Hoxe quero ensinarvos un libro que atopei poa Biblioflora, Lección de pesca, de Heinrich Böll, da editorial Dibbuks. 

Conta a historia dun mariñeiro que, despois de estar traballando toda a mañá, é despertado da súa sesta por un turista algo estresado e intrigado, que quere propoñerlle un montón de cousas, todo para gañar máis cartos: pescar máis, ter máis barcos, abrir un restaurante... Ata que ao final... o importante é a felicidade.
Espero que vos guste!!!!




19 de maio de 2022

REMATANDO A EXPOSICIÓN

 Como ides?

Contarvos que o venres, día 13, clausurouse a exposición conxunta da Microrrede da Mariña. Actuaron o coro do CEIP de Celeiro e o Grupo de Guitarras do Conservatorio de Música de Viveiro. 

Aquí tededs unha das actuacións.


Pois ata o curso que vén!!! E espero que desfrutemos de actividades coma as destes días!!!!


18 de maio de 2022

4º XORNADA DE "A VOLTA COAS PALABRAS"

 Ola rapazada!!!!

O xoves, na exposición foi a quenda do CEP Lois Tobío que nos prepararon unha sesión de contacontos, a cargo da mestra Rebeca Palmeiro e un conto musicado, "Nica, a canica", interpretado pol@s nen@s de 1º de Primaria.

Estivo xenial!!



12 de maio de 2022

3ª XORNADA DA EXPOSICIÓN DA MICRORREDE

 Que tal???

Onte, mércores, foi a quenda do IES María Sarmiento, que nos presentou "O Diario do Sarmiento", a radio contra o acoso escolar e que forma parte do Proxecto AMIGO, que ten como obxectivo axudar a todas as persoas que necesiten axuda e facerlles sentirse acompañadas.

  Preme na imaxe para ver o vídeo.







2ª XORNADA DA EXPOSICIÓN "A VOLTA COAS PALABRAS"

 Olaaaa !!!

O martes, 10 de maio, \@s nen@s de 1º de E. Primaria do CEIP de Covas representaron "Non é unha caixa", obra coa que nos querían demostrar que a imaxinación é o xoguete máis importante.

Fixérono xenial!!!!!

Aquí tedes o vídeo. Disfrutade!!!! 



COÑECEMOS A VIDA DE FLORENCIO DELGADO GURRIARÁN

Ola de novo!!!!!!
Xa temos lista a liña do tempo do autor homenaxeado nas nosas Letras Galegas. Tamén tedes na Biblioflora os carteis enviados pola Xunta de Galicia, que foron creados polo CEIP Plurilingüe Virxe do Camiño, de Rubiá (Ourense). 


Recordade que tamén tedes máis abaixo unha entrada con actividades para saber máis sobre a súa vida.















LENDO O MAR

 Como ides?

Hoxe ensínovos un libro moi bonito que acabamos de mercar para a biblio: A mar, amar, de Xosé Luna Sanmartín e da editorial Bolanda.


Nada mellor para saber de que vai que recoller as palabras de Armando Requeixo, que fan de sinopse do libro. "Xosé Luna ten corazón de nauta. No seus versos navega os sete mares co leme dos sentimentos, aproando sempre nas emocións, nas lembranzas, nas ilusións. Porque a mar é a vida e os ronseis de palabras son a xerfa dos días de luz e de mourén, unha música de ondas que agroma nos baixíos do mar. Quen singre as páxinas deste libro descubrirá rías, illas e cons, mais tamén a lúa reverberando no mar, arquipiélagos paradisos, apertas oceánicas e gamelas azuis que atravesan a noite. É a ardora dos afectos, unha liña no horizonte que escintila esperanza, albas de sereas polos areais da tenrura. A mar, amar. Agarimar a mar. A mar, nimbar".


10 de maio de 2022

A VOLTA COAS PALABRAS

 Olaaaa rapazada!!!

Onte inaugurouse a exposición da Microrrede da Mariña, coa participación do xornalista, escritor e contador de historias Pablo J. Rañales, que presentou  o seu libro Siervos de tinta, e a actuación musical de Amigos do folk, grupo de gaitas do Conservatorio Profesional de Música de Viveiro. 





Animádevos a visitala e a participar nas actividades!!!!!



6 de maio de 2022

FACENDO EXPERIMENTOS

 Como ides????

Teño novos experimentos que @s nen@s de 3º de Primaria nos queren ensinar. Fixeron o mesmo experimento e... non queredes ver o que lles pasou? Terían tod@s o mesmo resultado? .






Intentádeo na casa !!!









2 de maio de 2022

MAIO, O MES DAS LETRAS

 Olaaa !!!!

Que pouco nos queda de curso !!! Foi pasando o tempo e xa estamos en maio !! O mes das letras.

Xa tedes unha entrada na que podedes atopar actividades para coñecer a figura de Florencio Delgado Gurriarán. E agora, déixovos a carta para este mes.

ATA LOGO E ESPÉROVOS NA BIBLIO!!!!




1 de maio de 2022

O MAR QUE NOS FALA: POEMAS E OFICIOS

 Como ides???

Queda moi pouco para que se inaugure a exposición da Microrrede (na que estamos moitas das bibliotecas do PLAMBE), que este curso é "A volta coas palabras" e na que poderedes coñecer os traballos desenvolvidos polas distintas bibliotecas. 

Aquí tedes o cartel, deseñado poo Izan Fra Fernández, alumno de 2º de Bacharelato de Artes do IES Monte Castelo.

Cada colexio presenta un cadro con códigos QR , que nos dirixen a esas actividades. 

A exposición é na Sala de Usos Múltiples do Concello de Viveiro e desenvolverase durante a semana do 9 ao 13 de maio, en horario de 18:00 a 20:00 horas. O luns xa arranca cun faladoiro co xornalista,  escritor e contador de historias Pablo J. Rañales e a presentación do seu libro "Siervos de tinta"  e coa actuación musical de Amigos do folk", grupo de gaitas do Conservatorio Profesional de Música de Viveiro

Aquí tedes o programa desta semana de exposición:

A nosa aportación a esta exposición é este cadro, relacionado co PDI desenvolvido este curso, O Mar que nos fala, e no que aparecen QR que nos levan a recitados de poemas sobre o mar e aos oficios mariñeiros. 

Tedes aquí os diferentes traballos:

- para os poemas

POEMAS DE 4º DE INFANTIL                                               

POEMAS DE 5º DE INFANTIL

POEMAS DE 6º DE INFANTIL                                               

POEMAS DE 1º DE PRIMARIA

POEMAS DE 2º DE PRIMARIA                                             

POEMAS DE 2º DE PRIMARIA

POEMAS DE 3º DE PRIMARIA                                             

POEMAS DE 4º DE PRIMARIA

POEMAS DE 5º DE PRIMARIA   

POEMAS DE 5º DE PRIMARIA                                           

POEMAS DE 6º DE PRIMARIA

POEMAS DE 6º DE PRIMARIA                                              

POEMAS DE 6º DE PRIMARIA

- para os oficios

CARPINTEIRAS E CARPINTEIROS DE RIVEIRA (6º de Primaria)

MARIÑEIRAS E MARIÑEIROS ( 4º de infantil)

PATROAS E PATRÓNS (3º de Primaria)

REDEIRAS E REDEIROS (6º de infantil)

FAREIRAS E FAREIROS (2º de Primaria)

MARISCADORAS (1º de Primaria)

PERCEBEIRAS E PERCEBEIROS (5º de Primaria)  

RULEIRAS E RULEIROS (4º de Primaria)

PEIXEIRAS E PEIXEIROS (5º de infantil)

- para animais en perigo de extinción:

5º DE INFANTIL