MULLERES NO CINE

 Olaaaa!!!

O alumnado de 2º de Primaria investigou sobre o traballo das mulleres no cine. Fixeron un "documental" sobre 19 mulleres que foron importantes na industria do cine por diferentes motivos. 

Aquí tedes o resultado.

 

DÍA DA MULLER

Outra vez por aquíííí....!!

O pasado venres, para conmemorar o 8M, coa colaboración da Delegación de Servizos Sociais, Sanidade, Muller e Políticas de Igualdade do Concello de Xove, tivemos no pavillón municipal unha actividade conxunta a Escola de Educación Infantil, o noso cole, o IES Illa de Sarón e o Centro da terceira idade do noso concello.

Entre tod@s "construímos" unha árbore na que estaban os pensamentos e desexos de tod@s @s participantes, ademais de ler algúns deles. O alumnado de Secundaria fixo lectura dun manifesto. Por último, soltáronse globos de cor violeta dentro do pavillón.

Aquí tedes algunha foto.

8 DE MARZO

 Olaaaaa!!!

O próximo venres, día 8 de marzo, é o Día Internacional da muller. Unha data moi importante para tod@s para entender a loita de todas as mulleres que viviron antes ca nós. Debemos coñecer a nosa historia, para formar un sentido crítico, que nos permita entender o que ocorría antes e valorar todos os logros conseguidos e seguir traballando ata conseguir a igualdade.

Para axudar a entender o por que deste día, aquí tedes uns vídeos. 

 

Aquí tedes tamén unha canción das Fillas de Cassandra, LISÍSTRATA (varre vasoira).

Tedes tamén libros na Biblioflora.

  

Boas lecturas!!!!

 

 

AS MULLERES NA ARQUITECTURA

 Como ides???

Como vos dixen, o alumnado de 1º, 2º e 5º de E. Primaria, tiveron investigando as mulleres que se dedicaron á arquitectura. Con esa información van elaborar un libro, aínda que podedes ver o seu traballo na entrada do colexio. 

Aquí podedes velo.

 

 

8 DE MARZO

 Como ides?

Hoxe conmemórase o Día Internacional da Muller.

Neste ano 2023, reivindícanse os dereitos das mulleres baixo o lema "Por un mundo dixital inclusivo: Innovación e tecnoloxía para a igualdade de xénero", para que xunt@s loitemos para crear un futuro mellor non só para as mulleres e as nenas, senón para toda a humanidade e toda a vida na Terra.

Nós, dentro do noso proxecto sobre a arquitectura, onte tivemos a visita de Noelia , arquitecta, que nos veu falar sobre o seu traballo e ensinarnos a importancia do traballo das arquitectas na construción das vivendas, das vilas, das cidades...

 

 

Ademais, as nenas e os nenos de 1º, 2º e 5º de Educación Primaria tiveron traballando sobre mulleres que foron e son moi importantes no mundo da arquitectura, traballos que están expostos na entrada do colexio.

 

Xa sabedes que na Biblioflora tedes moitos libros para afondar neste tema. Alí vos esperan!!!!

Déixovos tamén algunhas cousiñas relacionadas co Día da muller:contos, cancións...

• "Por siempre jamás", o conto de sempre como nunca o terías imaxinado.
  

•  O Booktrailer de "El príncipe Serafín".
  

•  "Y tú ¿qué quieres ser de mayor?" Unha campaña de sensibilización nos Dereitos da Infancia, onde se ve como @as nen@s amosan estereotipos de xénero sobre as profesións dende que nacen.
  

                                                                          

• Outro vídeo sobre o mesmo tema: "Inspirando al futuro sin estereotipos".
   

• E un vídeo da ONU que quere acabar cos estereotipos de xénero.
  

• Un vídeo onde @s nen@s falan do machismo, do feminismo e das diferenzas entre homes e mulleres.
   
  
  

Por último as cancións...

Unha canción do CEIP Pazos de Reis, de Pontevedra.

E outra, "Son muller", do grupo MBCP (Máis boas cas patacas), que gañaron o Primeiro premio na categoría xuvenil do II Certame de música infantil e xuvenil Quero cantar, no ano 2017.

 

8 DE MARZO

 Olaaaaa... !!!!

Polo Día da muller, estivestes traballando de diferentes maneiras. Cada curso á súa maneira. 

E aquí tedes o traballo das nenas e dos nenos de 2º. sobre mulleres que traballaron e traballaron no mar e que non saen nos libros de texto.

LECTURAS COA IGUALDADE

 Como ides?????

Hoxe tráiovos uns libros para que desfrutedes este día.

El niño que no quería ser azul y la niña que no quería ser rosa, de Patricia Fitti, da Editorial Destino.

Cóntanos a historia de Celestino, un neno ao que lle regalan avións azuis, durme nunha cama azul e xoga ao fútbol con pelotas azuis. Todo o mundo lle di que é o máis azul de todos os nenos e que se casrá coa máis rosa de todas as nenas. Pero... e se el non quere só un mundo azul e a princesa dos seus soños non é rosa?

Vanesa non quere ser princesa , de Xosé Antonio Perozo, da Editorial Sotelo Blanco.

Cóntanos a historia de, Vanesa, unha nena que, cando naceu, a súa nai chamou ás fada para pedirlles un desexo: quería que Vanesa fose unha fermosa princesa; pero unha fada vella apareceu pola cheminea e dixo que Vanesa sería o que quixese ser.

Rachel Carlson y el libro que cambió el mundo, de Laurie Lawlor, da Editorial Errata Naturae.

                                                   

Unha biografía ilustrada dunha das científicas máis importantes da historia. A Rachel, o que máis lle gustaba era pasear polos arredores da súa casa. Dérase conta de que a natureza é un mundo apasionante e cheo de aventuras. E non o esqueceu e dedicou a súa vida a preservar ese tesouro que temos ao alcance da nosa man. Foi unha das primeiras mulleres que buceou a través de arrecifes de coral e que subiu a un hidrodeslizador para perseguir a uns caimáns.

Ceninienta liberada, de Rebecca Solnit, da Editorial Lumen.

A inxeniosa Cincenta coñece á súa fada madriña, vai ao baile e relaciónase cun príncipe, pero aí remata a historia que xa coñecemos: en realidade, os zapatos de cristal non resultan demasiado cómodos, a beleza non dá a felicidade e a protagonista fártase de que a traten mal.

A nena lectora, de Manuel Rivas, da Editorial Xerais.

Conta a vida dunha moza chamada Amparo á que ás súas compañeiras lle pagan para que lles lea novelas mentres elas elaboran os cigarros. A protagonista, Nonó, soña con que ese fose o seu oficio.

 african- meninas. Liderazgo Femenino en el Continente Africano, da Wanafrica Ediciones.

Conta a historia de 30 mulleres africanas que marcaron a historia do continente.

 

8 DE MARZO NO MAR

 BOAS AMIGUIÑAS E AMIGUIÑOS!!!

Hoxe, día 8 de marzo, é o Día Internacional da Muller. E que importante é a muller para o mar. Aínda que nos pareza que só vemos homes no mar, temos que reivindicar que o medio mariño non é só cousa del, senón que tamén é cousa dela. 

Se nos fixamos na historia, contábase que levar unha muller nun barco era o mesmo que desexar un naufraxio., dicían que daban mala sorte. Nembargantes, hoxe en día, cada vez son máis as mulleres que traballan no mar e, tamén, asa que o investigan.

Aquí vos deixo algúns documentos para aprender cousas sobre estas mulleres.