20 de xuño de 2022

LECTURAS PARA O VERÁN

 Ola amiguiñas e amiguiños!!!

Xa estamos chegando ao fin!!! Vou estar unha tempada sen vervos, pero non quería deixar de ensinarvos algúns libros que creo que vos van gustar moito. Tamén hai música, cine e xogos. E non esquecín ás vosas familias. 


E recordade... HAI QUE COIDAR O MAR!!!!!


6 de xuño de 2022

EXPOSICIÓN NA MARIÑA

Que tal?
Como xa sabedes, este curso, a exposición do CENIMA, en Foz, estivo dedicada ao artista Quique Guerra. Durante o mes de abril e a primeira semana de maio estivo aberta unha exposición d@s artistas da Mariña, á que asistimos e na que aprendimos moito. Pois agora, tócanos a nós. Participamos coa obra "Subasta na lonxa", coa que queremos representar o que está a facer a contaminación do mar para a vida mariña e, como consecuencia para a nosa alimentación. O venres fomos preparar esta exposición dos colexios ao CENIMA e alí quedou a nosa obra.


Hoxe, 6 de xuño, e ata o venres, día 10, estará aberta a exposición para que podamos desfrutar dos traballos do resto dos colexios. Aquí vos deixo uunha mostra.

ANIMÁDEVOS A VISITALA!!!