CHEGA SAMAÍN

 Saúdos terroríficossss!!!!

Como xa está chegando o Samaín, estivemos preparando a Carreira de medo. Fixemos algúns cambios e, para que sepades en que consiste, aquí vos deixo unha carta.

Espérovos na BiblioFlora!!! 

 

POR FIN!!

Ola rapazas e rapaces. Por fin podemos inaugurar a Biblioflora. As nenas e nenos de 2º de Primaria téñennos preparada unha peque sorpresa e as voluntarias e voluntarios de 6º de Primaria hannos de ensinar  a nova distribución e explicarnos un pouquiño as normas da biblio durante o tempo de recreo.

Aquí tedes o cartel que deseñaron as vosas compañeiras e os vosos compañeiros de 2º de Primaria.

 

 

ESPERÁMOSVOS!!!

DÍA DAS BIBLIOTECAS

 Olaaaa...

O día 24 foi o Día  das bibliotecas. O lema deste ano é "Tecendo comunidades", co que se quere sinalar a importancia das bibliotecas á hora de construír lazos fortes dentro das comunidades, sendo, todo o que ocorre nelas, os fíos que unen á cidadanía.

Aquí tedes o cartel deste día.

 

 

 

 

 

Nós, aínda que cun pouco de atraso, imos celebrar este día coa inauguración da BiblioFlora. As nenas e os nenos de 2º de Educación Primaria téñennos preparada unha pequena sorpresa. Ademais, o alumnado voluntario de 6º de Educación Primaria faranos de "guía" para ensinarnos a biblioteca e presentará o proxecto no que imos traballar este curso.

Será o próximo luns.

Esperámosvos a tod@s!!!

COMEZAMOS

 Olaaaaaa

Como vos foi no verán?

Na BiblioFlora estivemos moi atarefad@s!!! Tivemos obras no verán e aínda estamos preparando a biblio para que poidades facer uso dela.

Así que aínda toca esperar un pouquiño.

Agardade!!!!

 

LEMOS NO VERÁN

     Que tal???

Xa estamos rematando. Chega o verán e imos ter moito tempo para facer moitas cousas e, entre elas, non debemos deixar de ler. Por iso é que vos propoño lecturas, xogos, cine e música para toda a familia, para poder desfrutar tod@s xunt@s.

                                                                 CLICADE NA IMAXE

 

MONUMENTOS

 Ola rapazada!!

Como última actividade no noso proxecto, elaboramos uns "superfolletos" presentando diferentes  monumentos.

 

CONSTRUÍNDO

 Como ides??

O pasado venres celebramos o Día da Arte. Aproveitando o noso proxecto "Pensamos e construímos", fomos á praia a facer castelos na area. 

 

Estivo un día precioso!!!

Ademais, foi un día de desfrute con tod@s @s nos@s compañeir@s, co profesorado, co persoal non docente do cole e co persoal colaborador do comedor. Fomos andando ata a praia de Lago e, despois de facer os castelos, comimos tod@s xunt@s.

 

A VIVENDA NO MUNDO

 Como ides???

No segundo trimestre, dentro do proxecto "Pensamos e construímos", estivemos traballando sobre as vivendas no mundo. Así, puidemos aprender moitas cousas sobre vivendas de diferentes zonas e países: o pazo galego, a masía catalana, a haima, a casa barco, a yurta...Todas varían na forma e no tamaño, dependendo da zona, do clima, dos materiais e das técnicas de construción.

Aquí tedes parte do traballo, que podedes atopar na BiblioFlora.

Espérovos na Biblio!!!

CASAS

 Olaaa...

Hoxe quero ensinarvos un libro que fai  tempo que está na BiblioFlora. Trátase de Casas, de Paula Carballeira e editado por Edelvives-Tambre, na súa colección Ala Delta.

Fálanos dun montón de casas: casas con tellado, casas de tea, casas de papel, casas de palla, casas acolledoras e casas enfadadas. Tamén hai casas que quedan quietas nun sitio e as que lles gustaría coñecer mundo e casas que viaxan e que preferirían ver paisaxes distintas. Así que... hai tantas casas coma xente que vive nelas. 

Espérovos na BiblioFlora!!

 

 

EXPOSICIÓN DA MICRORREDE

 Que tal???

Onte, xoves, rematou a exposición"EscribirArte da Mariña"  organizada pola Microrrede da Mariña.

Na xornada do mércores, o alumnado do EEI de San Roque ofreceu unha actuación de monicreques do conto Cocorico.

 

 

O xoves, pola mañá tamén houbo unha actuación, no teatro Pastor Díaz, do alumnad de 2º da ESO do IES de ALfoz-Valadouro. E, pola tarde, tivo lugar a xornada de clausura, coa actuación do Cuarteto de cámara de clarinete da Escola de Música de Viveiro.

 

 

 

Remataron así uns días nos que as bibliotecas PLAMBE da Mariña foron protagonistas !!!

CARTA DE FLORA

 Olaaaaa...

Aquí tedes a carta coas actividades previstas para os meses de maio e xuño.

 Espérovos na BiblioFlora!!!

SEGUIMOS ESCRIBINDOARTE

 Que tal?????

Onte continuou a exposición "EscribirArte da Mariña", coa actuación do coro do CEP Lois Tobío.

 

Foi un éxito total!!!!

FRANCISCO FERNÁNDEZ DEL RIEGO

 Olaaaaa...

O pasado venres, o alumnado de 1º e de 2º de Educación Primaria fumos a Vilanova de Lourenzá para coñecer a Francisco Fernández del Riego, o autor homenaxeado nas Letras Galegas 2023. 

Coa axuda dunha guía, fixeron un recorrido pola vila, no que coñeceron a casa na que naceu, as rúas polas que xogaba e un pouco da súa biografía. Tamén visitamos a igrexa de Santa María, onde está o sartego do Conde Santo, o Centro de Interpretación da faba e unha exposición, "O recuncho das argalladas", sobre os xogos e xoguetes de Fernández del Riego.

 

 

Aprenderon un montón de cousas de don Paco, como lle chamaban na vila onde naceu.

ESCRIBIRARTE NA MARIÑA

 Como ides, rapazada???

Onte, luns, inauguramos a exposición "EscribirArte na Mariña", contando coa presenza d@s coordinador@s das bibliotecas e con diferentes autoridades, ademais de compañeir@s dos centros de ensino e na que puidemos coñecer os traballos elaborados polo alumnado de ditos centros.

 

 

Nesta primeira xornada contamos con Primitivo Marcos Ferreiro, artista viveirense que falou da súa última obra de banda deseñada "VIVEIRO 1810, AUGAS MORTAIS" e que nos presentou o seu próximo traballo. Tivemos tamén a actuación musical de "Amigos do folk", grupo de gaitas do Conservatorio Profesional de Música de Viveiro.

Esperámosvos!!!

.

LENDO

 Olaaaaa!!!!!

De novo estou aquí con un libro: Los vecinos, de Einat Tsarfati, da editorial Tramuntana.

Cóntanos a historia dun edificio que ten sete pisos moi especiais. Cada un destes pisos ten unha porta distinta da dos demais. A pequena inquilina do sétimo piso imaxina que cada porta esconde vidas incribles: unha familia de ladróns, outra de acróbatas, incluso pode haber vampiros!!! A ela parécelle que, en comparación, a súa vida parece un pouco aburrida. Realmente é así?

Espérovos na biblio con este e moitos máis libros !!!

ESCRIBIRARTE NA MARIÑA

 Ola, rapazada! Como ides?

Teño que facervos un anuncio! O próximo luns, día 8, inauguramos a exposición da Microrrede da Mariña, na que participan un montón de bibliotecas PLAMBE da nosa comarca.

 Clicando no cartel podedes acceder ao programa da exposición, que terá lugar do 8 ao 11 de maio, na Sala do Concello de Viveiro.

Esperámosvos alí!!!

LIÑA DO TEMPO DAS VIVENDAS

Aquí estou de novo para ensinarvos como quedou, ao final, a Liña do tempo das vivendas. 

Sabemos que, ao longo do tempo e dos séculos, as vivendas foron cambiando en todas as súas características: tamaño, materiais, altura, deseño, tipos... As súas peculiaridades dependen do tempo, do terreo, dos materiais de construción, a clase social, os recursos económicos, etc..

E nós estivemos traballando para coñecer a evolución das vivendas ao longo da historia e este é o resultado.