PAUL KLEE

Como andades rapazada?

Cada mes sorprendédesme máis!!!

Que ben quedou a exposición de Paul Klee!!!

Klee foi un artista alemán de orixe suíza, nado en Müchenbuchsee, en 1879, e finado en Muralto en 1940. Era un artista con moita personalidade e no que influíu o cubismo, o expresionismo e o surrealismo. Dende pequeno, foi músico, por influencia da súa familia, aínda que logo se dedicou ao arte, sendo un experto no emprego da cor.

Aquí tedes os vosos cadros:

4º de Primaria

6º de Infantil

5º de Infantil

1º de Primaria

3º de Primaria

5º de Primaria

4º de Infantil

2º de Primaria

6º de Primaria

E o próximo artista... Velázquez. E imos cambiar o traballo. Todas e todos imos facer unha versión dun dos seus cadros máis famosos... 

Sabedes cal é?

Si. Ese. As Meninas.

ESE GENIO LLAMADO MIGUEL ÁNGEL

OLA!!!
Aquí está outro dos libros que vos chegou na caixa: Ese genio llamado Miguel Ángel, da Editorial Laberinto.

A través da mirada dun neno, fálanos das obras de escultura, pintura e arquitectura que convertiron a Miguel Ángel no xenio do Renacemento.

PREMIOS

Ola rapaces e rapazas!!!
Que contenta estou coa participación no II Concurso de Ilustración.
Fixestes unha ilustracións moi fermosas!!
Aquí vos deixo as gañadoras e os gañadores:

 Na categoría de Educación Infantil, ilustraron un poema do libro Ventos, de Antonio García Teijeiro...

Pablo

Antón

Na categoría de 1º, 2º e 3º de Educación Primaria, ilustraron "Cantarola dos nenos", do libro Cantarolas, de Xosé Neira Vilas...

Álvaro

Unai

Na categoría de 4º, 5º e 6º de Educación Primaria ilustraron o poema "Lembranza para Alí Smaín", do libro Chove nos versos, de Antonio García Teijeiro...

Cristina 

Berta

Noraboa ás gañadoras e aos gañadores!!!

DÍA DA PAZ E DA NON VIOLENCIA

Que tal rapazada?

Onte, 30 de xaneiro, foi o Día da Paz e da non Violencia.

Nese día celébrase o aniversario da morte de Mahatma Gandhi, que foi un líder pacifista que difundíu e promoveu a non violencia e a resistencia pacífica fronte a inxustiza e que foi asasinado por defender as súas ideas.
Sempre deberíamos compartir o que temos e defender a quen non recibe un trato xusto. É importante que tratemos así a todo o mundo, non só á nosa familia e ás nosas amigas e amigos. Deberíamos tratar igual a todas as persoas, sen importarnos de onde sexan ou se falan outro idioma ou teñen outra relixión.

No cole, fixemos unha interpretación artística da non violencia e da paz. Aquí están os vosos traballos, que están expostos na entrada do colexio:

2º Primaria

3º Primaria

4º Infantil

6º Primaria

5º Infantil

1º Primaria

6º Infantil

4º Primaria

5º Infantil

Ademais, como facemos todos os 30 de xaneiro, celebramos unha chocolatada con churros e fixemos unha aportación voluntaria de 1€. Co recaudado imos facer unha aportación a Eu son, que é unha asociación de Burela, sen ánimo de lucro e que presta atención a persoas con discapacidade intelectual. A "festa" rematou cantando a canción "Todos somos capitáns", do CD A nena e o grilo nun barquiño, de Magín Blanco.

QUE SON AS LINGUAS INDÍXENAS?

Como vades?

O pasado 22 de xaneiro fixemos unha actividade sobre as linguas indíxenas. Canto aprendimos... !! Que importantes son as linguas!! Non só como método de comunicación, senón que son fundamentais para a identidade dun pobo, para a conservación da súa cultura e a súa visión do mundo.

Cada dúas semanas morre unha lingua indíxena; sendo Sudamérica e a África Subsahariana as zonas onde hai máis linguas indíxenas en perigo de extinción, debido, sobre todo, ao auxe duns poucos idiomas dominantes.

A protección dunha lingua pode salvala da súa desaparición; por iso, é tan importante que protexamos o galego, a nosa lingua propia. Con ela podemos facer ciencia, arte, cantar, debuxar e ter amigas e amigos! Todo o que queiramos!!! 

Cada curso traballou unha lingua indíxena e aprendestes estas cinco palabras:

Aquí están os vosos traballos:

5º Primaria

6º Infantil

2º Primaria

1º Primaria

6º Primaria

3º Primaria

4º Infantil

5º Infantil

4º Primaria

OBRADOIRO DE ENCADERNACIÓN

Boas rapazas e rapaces!!

Vístedes o taboleiro da Biblio?

Como puidestes ver, propóñovos un obradoiro de encadernación. Non vos gustaría facer os vosos propios libros?

Pois xa sabedes, pasade pola biblio para anotarvos.

Estareivos esperando!!

WASSILY KANDINSKY

Que tal?

Volvemos coa actividade "Artista do mes" e, como xa sabedes, en decembro estivemos traballando a Kandinsky, que xa sabedes que foi un pintor que naceu en Moscú en 1866 e que morreu na Illa de Francia en 1944. Está considerado como un dos iniciadores da  arte abstracta e é un dos pintores máis importantes do século XX.

Así é como nos quedou a exposición:

E estes son os cadros que preparamos en cada curso:

 4º de E. Infantil

 2º de E. Primaria

 4º de E. Primaria

6º de E. Primaria

1º de E. Primaria

6º de E. Infantil

5º de E. Infantil

3º de E. Primaria

5º de E. Primaria

Que bonitos! 

Preparadas e preparados para o próximo artista? Que vai ser...  Paul Klee

CONCURSO

Boas rapaces e rapazas!!

Como xa vistes no taboleiro da Biblio, está convocado o II Concurso de ilustración. Déixovos aquí as bases.

O Día da Ilustración celébrase o 30 de xaneiro. E diredes: O mesmo día que a paz!!

Pois si, é o mesmo día; pero o que se conmemora é o nacemento de Castelao, que foi un grande debuxante, ademais de político (o pai do nacionalismo galego), escritor, debuxante e médico. Ademais, é un día para lembrar as persoas que se dedican á ilustración e cada ano homenaxéase a algunha autora ou autor de Galicia.

¿DÓNDE ESTÁ LA RANITA?

Ola rapaces e rapazas!!
Non imos rematar o ano sen presentar outro dos libros que mandou Flora polas clases. Desta volta, trátase do libro ¿Dónde está la ranita?, da Editorial Juventud.

Con este libro imos recorrer o xardín de Giverny. Non dicían que Monet nunca pintara animais nese xardín? Poiis o seu retrato da pequena ra era unha verdadeira obra de arte. Así que imos recorrelo, saltando de tea en tea, baixo a atenta mirada de Claude Monet.

NESTE NADAL, FLORA RECOMENDA...

Como andades?

Supoño que moi cansas e cansos e pensando xa nas vacacións de Nadal.

Imos ter moito tempo, para xogar, para saír, para falar, para estar coas amigas e amigos, para estar máis tempo coa nosa familia, para escoitar música, para ver películas, para ler... e, tamén, para aburrirnos, por que non? Así que vos deixo aquí as miñas recomendacións, para que as disfrutedes soas /sós ou en familia. 

Que o pasedes moi ben!

Boas lecturas!!

E moi Feliz Aninovo para todas e todos!!!!!

XA CHEGA O NADAL!!!

Boas a todas e todos!!
Xa se achega o Nadal e xa se nota no colexio. Andivestes adornando o comedor e xa imos enchendo o cole con todas as bólas que trouxestes. Son todas preciosas!!
Que gusto dá ver os vosos traballos... Non se pode dicir cal é a máis bonita. Están todas xenial!!!!